Hello, World

我叫做麟叔，一個普通鐘意玩卡game同打機既阿叔。大家鐘意叫我麟叔又得，阿麟都得。

2013年起開始接觸TCG，最初係由WS既奈葉STS & Melty Blood玩起，然後到ChaosTCG，Victory Spark，Vanguard，Crusade等等，以至到最近比較沉迷既MTG，基本上大部份都有玩過下。雖然每一隻TCG都識玩，但組deck力係極弱，基本上係為對某張卡既愛同所有用既卡美唔美觀而組，衰啲講句可以叫「周身刀，冇張利」。
（Sorry for 個人本身係負面思維）

但對我黎講，TCG本來就冇一個絕對既砌法，只有一個「以環境而言相對有優勢既砌法」，所以我一般唔會care成個環境玩緊啲咩，反而係「只要張卡唔係核突野，而又夾到我想組個副deck既concept的話就會落deck」

當然咁樣玩TCG的話就預左可能好難提升技術，但「成長」係咪跟環境走就一定叫最好呢？當然跟環境走就實冇死，但唔跟環境走的話其實都有可能有意外既成果。

其實同湊小朋友一樣，每個家庭都有佢自己既一套教育方式，好難話某種教育法係最好；就算同一個家庭入面，用同一套教育法去教兩個小朋友，未必兩個都受落。
（Sorry for 深夜打文，講野都1999）

===========

好啦，上面講左太多無離啦更既野，呢到就長話短說。
平時有時間會開下打機台同打deck台。
一般打deck台會多啲人黎睇既，打機就好多時係mute咪打機多，但comment會照睇照覆，想睇悶聲大叔打機打deck的話可以subscribe 下YouTube channel同打開通知，有台開就可以隨時收到訊息。

之後會不定期咁講下最近玩既deck既組法同構建concept等，除左當係output能力練習外，都等黎睇開台/玩開既朋友仔知道麟叔平時玩啲咩，之後可以推下坑。ლ(^ิ౪^ิლ)

另外，開唔開放subscriptions 方面我仲考慮緊，始終我想我做開既所有野都係免費俾大家享受到，所以呢個subscription既用處有以下既用途：
1. 定期做啲抽獎回饋返俾大家
2. 買下盒黎出開封直播同動畫
3. （未定）可能會搵個平平地既單位租黎開面對面既對戰直播

所以都想睇下大家點睇subscription呢樣野：


後續都可能有唔同類型既問卷調查，你地既意見都會用作日後參考之用。

好啦，今次篇文真係完啦。
各位晚安。